娛樂新聞

■ 葉麗儀(左)、彭健新(中)年初三會高歌賀歲。

葉麗儀珍惜陪家人時間


[2017-01-12]
近年長居澳洲悉尼的葉麗儀(Frances)昨日出席活動,同場還有麥玲玲及彭健新。Frances透露專程返港出席活動,她說:「我昨晚(前晚)返港,今晚(昨晚)就要飛返去,因為孫女9歲生日,應承咗奀a佢出去踩單車慶祝。」

Frances坦言為慶祝今年70歲,有意孖老公到美國西岸睇哥爾夫球比賽,農曆新年會再返港,Frances說:「已經好多年新年都沒在香港過,近年工作量減少,所以好珍惜陪家人的時間。一對孫仔女都知道中國傳統,知團年飯同埋逗利是,會同他們食完團年飯先返香港,因為佢哋要開學,所以得我同老公返。」

彭健新透露曾試過一日拉四次頭馬,對於好友曾志偉日前「刀仔鋸大樹」,投注2,000元贏了1,600萬,彭健新說:「阿倫(譚詠麟)話打畀佢冇聽,佢呢鋪一鋪翻身。志偉唔聽,驚要醒(醒錢)。

(你都經常中馬?)試過睇中兩隻99倍嘅馬跑出,嚇到朋友們唔敢相信,我就用過一百蚊贏萬幾蚊。」


上题 : Kalafina領軍3月襲港開動漫騷

下题 : 亞洲電影大獎提名揭盅