娛樂新聞


黎淑賢家有「5子」


[2017-08-12]
笑言精神分裂

黎淑賢(Bonnie)近年愈來愈靚,不少人都質疑她整容,Bonnie亮相節目《辣媽大作戰》接受訪問時,誓神劈願否認整容說:「對我來講,要開刀嘅先係整容,我無開過刀,我只係打咗針!」
Bonnie老公許智政是美容醫生,所謂近水樓台,Bonnie打美容針當然由老公負責,問她女為悅己者容,同時是否也為取悅老公?她一口否認說:「點解我要取悅別人?至緊要係自己覺得好睇,唔需要為別人而生活!」

至於Bonnie的前夫是盧惠光,問她上一段婚姻對現在有無影響?Bonnie坦白說:「每一段婚姻都唔同,對象唔同呀嘛!不過人係會長大,以前我10幾歲就結婚,當然唔夠成熟,現在我有4個仔,從佢哋身上,我都可以學到好多嘢!」她隨後笑着更正道:「應該係5個仔先啱(包括老公),我真係精神分裂!對住個大嘅就要講大人嘢,對住細嘅,又要扮cute。我成日叫錯佢哋嘅名,有時要叫4次先叫得啱,連工人姐姐都笑埋一份!」

作為一位闊太,Bonnie最喜歡的是畫畫,不經不覺她已習畫近10年,最近還和兒子在同一間畫室學畫。Bonnie不諱言畫畫確實有修心養性的作用,她說:「以前我好火爆,一句唔啱就黑面、發脾氣,現在我學會放慢,學會修養。」


上题 : 張寶欣否認拍拖 邱晴努力減磅

下题 : 陳嘉桓停運動致肥