娛樂新聞

■ 現正修讀心理學碩士課程的徐子珊,活動結束後便趕往考試。

徐子珊睇好三哥再攞視帝


[2017-11-30]
專心讀書少睇劇 

徐子珊昨日身穿低胸裙到九龍灣出席連鎖店彩妝專區揭幕禮, 並即場接受彩妝師為她塗唇彩。現正修讀心理學碩士課程的子珊,活動結束後便趕往考試:「 今朝凌晨四點半就起身温習,考完試下星期就可專心拍戲, 到明年一月中再返學。」近日忙因拍網劇《守護神》,經常要香港、深圳兩邊走的她笑言考完試後便不用再做「 跨境學童」,可以專心拍戲。問到可擔心高學歷嚇怕追求者?子珊笑言沒去想這些:「亦冇諗過完成課程後轉行,呢個課程讀兩年,( 讀這個課程是否為拍心理戲?)真係有人問我係咪嚟試堂, 真係好尷尬,我真係好努力讀書。」

想演心理學家

子珊又稱從未演過心理學家的角色,有機會都想嘗試。問到她現時是否識睇別人心理?她否認說:「好多人以為我識睇人唔敢同我傾偈,但其實係誤解,其實係用好多科學證明人嘅行為同心態,反而我要讀好多統計學同做Research,所以成日喺車上做功課睇論文。」

問到睇好誰人奪得今屆最佳男、女主角?子珊坦言睇好苗僑偉( 三哥)及宣萱:「自問係唔公平,我冇睇過晒啲劇, 因為係好朋友要支持。」她又稱很替三哥得獎高興, 一齊開工時三哥心情好,前日也有請她吃午餐。


上题 : 劉亦菲獲真人版《花木蘭》片約

下题 : 香香《溏心》性感鏡頭出街