娛樂新聞


鍾欣潼 留洛杉磯影婚紗相


[2018-05-03] - 933人點閱
鍾欣潼(阿嬌)昨日出席女裝品牌活動,更獲鬼才設計師親繪阿嬌肖像的油畫給阿嬌作禮物。計劃年底結婚的阿嬌,會於本月15號出發到美加展開三場巡唱,緊接於25日在洛杉磯舉行婚前最後一個單身派對。昨日阿嬌再度聲言不是婚禮,至於婚前派對籌備進展,她輕鬆地說:「我人到去參與就得,唔使搞太多嘢,我也不知叫什麼派對,總之是一班朋友聚會。(會不會有狂野男舞蹈員表演?)我唔係玩得好癲,玩唔起,我會怕醜,真的有朋友提議過,但我覺得好尷尬,想像唔到個畫面,我未見過世面,(驚未婚夫賴弘國呷醋?)唔會,我會畀佢玩,睇住佢玩,(佢唔准?)佢無講。」

阿嬌透露本月28日是男友生日,所以對方會同行一起慶祝,已幫男友call女dancer,一定要靚,一定要有身材,聽到都熱辣辣。阿嬌首度為男友慶祝生日,又是告別單身的最後一次生日,問她會否揀選未婚夫喜歡的心儀禮物,阿嬌笑說:「諗吓先,佢有叫我唔好送禮物,我話無諗過送,激死佢,其實佢喜歡一隻十多年的舊款足金手錶,但我覺得買舊款錶好唔抵,所以要諗吓,起碼過到自己個關先。」

美加之行,阿嬌會留在當地影婚紗相,但仍未揀婚紗,她自言是位不心急的新娘,但想試下各種各樣款式,因是借回來的,問到會否在拉斯維加斯註冊?阿嬌謂:「唔認可的,(請了婚假?)唔知有婚假,無人講過。」


上题 : 粵港澳青年微電影大賽 港片《高鐵愛情故事》摘季軍

下题 : 陳法拉暫留美國陪男友