娛樂新聞


產後現身撐老公 亞男縮肚 祖藍再三暗示追多個


[2019-01-30] - 1027人點閱
王祖藍首次執導兼主演的賀歲片《你咪理,我愛你!》前晚舉行首映禮,祖藍與影片監製樂易玲率領一眾演員,毛舜筠(毛姐)、岑麗香(香香)、方力申、王菀之、余安安、苟芸慧、吳業坤、阮兆祥、白只及客串演出的韓星朴昭妍等出席外,於上月底為祖藍誕下女兒Gabrielle的李亞男亦有到場撑老公。問祖藍下次可會安排亞男演出,祖藍即表示下次可能又要生第二個,又撞期,似乎真的渴望追多個!

韓國女團T-ara前成員朴昭妍,在台上以廣東話跟大家打招呼:「大家好,好榮幸可以與祖藍合作,很榮幸能夠來到香港,跟王祖藍合作拍這部電影,希望大家喜歡我的演出,多多支持電影,多謝大家。」

首次演出香港電影,昭妍表示覺得香港電影拍攝的節奏比較快,由於這次是客串演出,希望下次正式合作。
祖藍與亞男一起接受訪問,祖藍即叫老婆縮肚,亞男笑說:「縮緊喇,不過都有肚,啱啱(生完)個幾月啫。」祖藍就大冧老婆說:「但都冇所謂啦,都係咁靚。」已睇過影片的亞男,被問到對於老公首次執導的表現?她有讚無彈說:「真係無得彈,充滿才華、好型,氣質散發出來!好proud of佢㗎。」

她又表示這套舞台劇,是剛認識時祖藍帶她去看的,還與他一起到紐約傾版權,見證了他夢想成真是感動的。問到祖藍今次為何沒安排亞男演出?他說:「當時亞男大肚,到後期就要生B,能夠順利生女兒Gabrielle出來係最重要,最緊要係保住個BB,佢話嚟探班我都唔畀,怕片場危險。(下次可會再安排?)下次可能又要生第二個,又撞咗期喇。」亞男就笑說:「我就係唔生,講笑啫。」

毛姐在戲中演4個角色,有7個造型,就連老公都不能認出她:「最好笑係預告片出咗後,老公問點解無我嘅?原來認唔到我!因為頭髮同表演方式都唔同。」談及最深刻的造型,毛姐指其中有個50F上圍的造型,好重負擔,又要唱歌同跳舞,辛苦到腰痛,那場戲都頗吃力!雖然之前拍戲都有唱歌仔,但今次演的歌舞劇,要認真唱,所以都好大挑戰。

香香在港順產機會大

懷身6個多月身孕的香香,穿着低胸裙腳踏三吋高踭鞋出席首映禮。香香透露在片中會有露腰衫跳舞演出,但拍攝前並沒跟老公備案,相信老公知道都會接受。她又自爆開工初期已經懷孕,但拍到尾段才發現,已經有點胖,攝影師就問她可不可以收腹,因當時還未可以講,唯有答盡力吧,也知道收不了很多。

問到會否返加拿大待產?她表示還未決定,但在香港生的機會較大,不過她仍未訂床位,都知道要盡快去,所以都有點壓力。問到會剖腹還是順產生B?香香說:「我都有做過資料搜集,如果可以我都想順產,唔係因為我勇敢,係因為我怕開刀和怕血,順產會冇咁可怕,(老公會陪入產房剪臍帶?)應該會,老公怕血程度冇我咁驚,我連抽血都合埋眼,仲要好大力揸住夆忖漶A生產時他應該會陪我一齊痛,佢只係隻手痛啫。」問到BB性別,香香就繼續賣關子,想保持神秘。


上题 : 靚靚為青雲甘願客串演出 家輝嫌出埠拍戲住酒店煩

下题 : Angelababy望豬年多陪小海綿