娛樂新聞


風雲榜頒獎遇耳機失靈 謝安琪靠讀唇徬徨痛哭


[2019-03-13] - 1906人點閱
容祖兒、謝安琪(Kay)、張敬軒、江海迦(AGA)、李幸倪(Gin Lee)、菊梓喬、胡鴻鈞、陳柏宇、組合C AllStar、Supper
Moment(SM)、台灣歌手盧廣仲與蔡健雅、韓國歌手SHAUN等前晚到灣仔會展出席首屆《KKBOX香港風雲榜頒獎禮》,韓國男團BIGBANG成員勝利原定出席前晚頒獎禮,因醜聞影響日前突然透過社交媒體IG宣佈退出演藝界及取消來港出席頒獎禮。當晚Kay演出時諸事不順,接連耳機出現故障,要靠讀唇讀對手拍子,她更透露一入後台就不禁落淚。
今年的《十大年度風雲歌手》有陳奕迅、容祖兒、張敬軒、楊千嬅、陳柏宇、李幸倪、江海迦、胡鴻鈞、菊梓喬及C AllStar奪得;《年度編輯推薦歌手》由鄧小巧奪得;英皇新人曾樂彤奪得《年度新人》,而《風雲大使》則是謝安琪、蔡健雅、盧廣仲及Supper
Moment。 當晚大會安排同屬大使的阿Kay 及Supper Moment 聯同司儀林二汶等人唱出十年內獲得最高點播次數的廣東歌,當阿Kay
唱出《羅生門》時耳機出現故障,換了耳機仍然無改善,見她不禁皺着眉,並除掉耳機繼續唱。
張繼聰發文安慰愛妻事後阿Kay受訪時表示坐低準備時耳機的干擾已好犀利,之後工作人員換過套後備耳機就出事:「由第一粒音開始已聽唔到自己、音樂、樂器、音樂總監何丙(何秉舜)把聲,只係聽到沙沙嘅干擾聲,因為唱《羅》係要靠何丙數拍子我入,最後喺全無拍子下要聽現場聲入,好難忘呢個演出。」Kay自爆唱完《羅》一入後台就忍唔住喊:「未試過一啲嘢都聽唔到,好徬徨!點知出返去情況再差啲, 之前綵排都冇問題, 由我喺觀眾席唱歌開始,就好多干擾
,連對手把聲都冇埋,要靠讀唇咁睇對手嘴唇讀拍子。Sunny(SM主音)見我好徬徨唔知點對拍子,好好咁專登行近,大家仲以為我哋好火辣,其實佢係畀我聽唱緊乜,鼓手知我彈琴聽唔到聲又幫我打拍子,多謝大家咁錫我。」工作人員解釋因為觀眾席有好多電話訊號干擾,此情況於綵排期間未曾出現。

昨日是Kay的四十二歲生日,問可會叫老公張繼聰送耳機做生日禮物?心情差的她無奈地說:「唔知呀!冇心情,頭先彈琴唱歌期間支咪不停向下跌,要工作人員上台救援,好想知今晚發生咩事?」她又苦笑指事件體現到群策群力精神,而SM演出完畢後都有安慰她。
問到生日願望?她打趣說:「原本冇,但現在有,好卑微咁希望今年工作順利,啲器材生生性性!(生日有假放?)有得休息,老公都會放假,都係好簡單同屋企人慶祝。」

張繼聰事後也在網上發文安慰老婆:「呢20分鐘嘅痛苦,恐懼,彷徨,心血白費......對表演者嚟講,係災難。災難係堅嘅,不過我認為你更堅」。祖兒自爆曾玩網上相親壓軸出場的祖兒,穿上螢光衫露出纖腰及一身健康膚色獻唱國語快歌《亞亞亞》外,又唱出長達十一分鐘Medley ,以及從未公開演出過的新歌《Pretty Crazy》,歌曲原定與勝利合唱,因勝利取消出席活動祖兒只好改為獨唱。提到其好姊妹鍾欣潼自爆替她於金童玉女殿點燈,祈求愛情運,祖兒聞言即笑說:「當然要多謝佢咁頻撲,多謝佢都嚟唔切!自己就唔太信,皇帝唔急太監急,可能成班都比較緊張,只要見到有未婚、年齡合適就話好,不過有時見到佢哋咁都好開心,尋日睇到篇文章話同朋友見一次少一次,大家就都即刻約出嚟見面。」
雖然聲稱不急於拍拖,但祖兒不諱言曾玩過網上相睇Apps:「成班餓狼傳說咁,咩法寶都出齊,但我係靠實力!(幾時有男朋友?)就嚟,轉彎就到,逼到我就嚟要登報紙招親。」


上题 : 不信阿Sa年尾拉埋天窗 阿嬌婚後幸福肥

下题 : 與老友到黃曉明李冰冰火鍋店慶生 梁競徽文雪兒珍惜健康