娛樂新聞


大馬登台兼慶39歲生日 愛女送花 譚俊彥驚喜眼濕濕


[2019-07-31] - 2450人點閱
      劇集《包青天再起風雲》熱播中,「包大人」譚俊彥(Shaun)也趁機到馬來西亞雲頂登台搵真銀,今趟更帶同媽媽陶敏明一同前往,同場還有胡定欣及袁偉豪(Ben)。前日剛過39歲生日的Shaun,不單獲媽媽送上蛋糕,更在演唱途中,4歲愛女Renee忽然上台送花,令他十分驚喜,感動到眼濕濕。前日剛過生日的譚俊彥表示,生日正日與小朋友在遊樂場玩,然後晚上就跟家人一起吃飯。譚俊彥:「去到我呢個年紀,生日簡簡單單吃餐飯,可以有工作,又可以陪家人,已經十分滿足。講到生日願望,希望大家睇《包青天再起風雲》,可以笑多啲,希望大家笑多啲。」
      說回早前到雲頂登台,譚俊彥指今次是首次個人演唱會,未試過一次過唱13首歌,之前公司給了不少機會自己上節目攞經驗,自己亦專誠請了一個相識了廿年的朋友前來幫手彈琴,所有事件都於錯誤中學習,其他朋友好似曹永廉、胡定欣都給了不少意見,所以令自己做起來都好放心。譚俊彥謂:「原本以為係一個細場地表演,點知係一個容納5000人嘅場地,以前一直諗幾時會發生,現在終於夢想成真,今次唱咗多首歌,希望有時間練多啲歌,有一首屬於自己嘅歌都係喺我計劃以內嘅事。」

      母年輕時亦常赴大馬登台
     今次大馬行,Shaun帶同愛女Renee前往,愛女Renee在他唱歌時,忽然上台送花,令Shaun十分驚喜。Shaun說:「其實大馬有好多playground,佢本身係去玩室內遊樂場。我冇諗住佢會上來送花,係經理人叫佢上來送花,所以都好驚喜。」
     除了囡囡有驚喜,媽媽陶敏明也於完騷後送上驚喜,送上生日蛋糕。他謂:「做完騷都好驚喜,媽咪送咗個蛋糕畀我,其實之前生日都喺工作中度過,所以今次佢好叻,提早同我慶祝,好感恩生日可以喺工作中度過。媽媽年輕時亦曾經常到馬來西亞登台、唱歌,今次可以看着我表演,對我們來說都特別有意思、開心。」
此外,定欣表示對上一次跟Ben合唱,已經是10年前的事,當日2人又要唱歌又要跳拉丁舞。定欣說:「今次我哋只要好好唱好歌就得啦!見到現場觀眾睇得開心就好啦,下次再唱多幾首。」


上题 : 任達華學狗語言芝士搽臉

下题 : 候選港姐孖熊本熊做體操