娛樂新聞


楊采妮教孖仔學識面對生死


[2019-08-08] - 650人點閱
         郭晉安(安仔)與楊采妮(Charlie)日前一起宣傳電影《小Q》,二人更分享養狗的經驗,安仔表示曾養狗,一對子女更見證牠的死亡,喊得好淒厲,Charlie認為養寵物其實也可讓小朋友學習面對生死。安仔回想起兩、三年前愛犬離開前,他趁仔女放學回家時告知他們要有心理準備:「我同佢哋講隻狗差不多要走,初時無嘢,但有祈禱,小朋友就忍唔住喊,不過都好嘅,有適當抒發係好嘅。」安仔說回想起當時的情景:「我都忍淚,現在唔再養喇,小朋友見證我養隻狗到死嗰日,所以同佢哋講唔好貪得意,養得就要有責任感。」
         二人談兒女經
         Charlie認為養寵物其實也可讓小朋友學習面對生死,而她本身也有養兩隻狗女,當年因為兩個兒子是早產BB要隔離,所以在BB房外加設圍欄,為怕兩隻狗女覺得她有了BB就不錫牠們,於是就跟牠們傾偈:「佢哋好細個,唔可以同你哋玩,等下,媽咪仲好錫你哋,佢哋都係好好嘅保鏢,在圍欄前守候住,BB喊又會通知我哋。」她很感恩小朋友現在健健康康,又同牠們一齊玩,現在她要反過來教兒子不要拉扯隻狗,要錫牠們,要有風度。
          除了談養狗,安仔與Charlie還有一個共通話題,就是兒女經。育有一對孖仔的Charlie,最近丟下兒子兩三日,回港及到內地出席電影宣傳活動,她說:「我工作多數唔會帶埋佢哋,帶佢哋做唔到嘢。」她的一對孖仔轉眼已兩歲多,並已識行識走,最愛爬上爬落。以往愛對兒子Say No的她,笑言現在學曉放手讓小朋友去學習:「????家我唔會同佢哋講No,反而會教佢哋,叫佢哋小心啲爬,因為阻止佢哋,事事Say
No,佢哋更想去做,記得初期佢哋爬樓梯,我Say No,佢哋都照爬,不如教佢哋小心啲,當然對眼要睇實。」
        育有一子一女的安仔亦贊同Charlie的做法,並分享與小朋友相處的經驗:「因小朋友都唔知咩係No,自己以前都犯咁嘅錯誤,話No同快啲,快啲呢個都唔好,係咒語,佢哋唔知大人嘅時間觀念,着鞋同着襪都慢,因為佢哋係小朋友,根本唔知咩叫快啲,可能佢哋覺得係咒語。」
        安仔不反對子女入行
        至於安仔的兩個小朋友分別已11歲和8歲大,安仔也承認可以甩難了。但人總是矛盾的,他不諱言小朋友長大了就懷念他們兒時,每個階段都不同,都會懷念。說到他可再生多個就不用懷念?安仔卻又抗拒說:「唔好諗住,過咗去就過咗去。(蔡少芬相隔多年都再懷孕?)佢犀利,為佢掌聲鼓勵吓。」
       談到一對子女安仔就變得健談,並透露女兒有表演潛質,過多五、六年就可以出來唱歌、跳舞,問到將來會否反對女兒入行?開通的他說:「唔反對,但就唔發掘,順其自然。(如果女兒想入行會否幫她一把?)幫到就幫,喺我後面做下老臨先,等佢自己揣摩,作為父母當然要佢先讀書,完成學業先算。(哥哥得唔得?)阿哥未被我影響,再大啲先。」
        至於Charlie就指孖仔還小,還未看到他們有沒有表演慾,不過她和老公見到他們互動時,就像看着他們在表演,她笑說:「雙胞胎其實好奇妙,有好多默契,推來推去你以為打交,但又唔係,食飯又好多嘢睇,會互餵,而家講就得意,但佢哋病我就好擔心,因為會傳染。」本身是獨生女的Charlie,笑言孖仔在她肚裡已有伴,如今又有人陪伴成長就很羨慕。


上题 : 從合作中學香港演員專業精神 小齊直指張家輝眼神深不可測

下题 : 古仔成演唱會嘉賓搶手貨 鎮宇加入爭人邀客串音樂劇