娛樂新聞


過來人提醒別做盲頭烏蠅 張兆輝試過買股票輸首期


[2020-01-07] - 960人點閱
        張兆輝、姚子羚、洪永城、陳瀅、張達倫、何廣沛、陳自瑤、楊卓娜及何遠東等前晚以懷舊打扮出席《黃金有罪》首播晚宴。劇中飾演股壇狙擊手的張兆輝自言投資不行,更曾因買股票而有慘痛經歷,損失的金錢足夠付首期,奉勸大家別做盲頭烏蠅。席上輝哥分別與子羚及楊卓娜合唱《月亮代表我的心》 ,子羚就表示這首歌是送給輝嫂的,而洪永城就與曾航生合唱《鬼馬雙星》炒熱氣氛,之後眾人又進行魚翅撈飯儀式。
       張兆輝於劇中飾演股壇狙擊手,問到現實中是否也一樣?他說:「自己投資唔掂, 如果早十幾廿年拍就好,拍完個劇對做人、玩股票、做生意都有幫助。」
       問到他的戰績?他就以過來人身份奉勸大家:「千祈唔好做盲頭烏蠅,人哋畀乜貼士都買,買股票係要花時間做功課嘅,(戰績如何?)唔好提,血汗錢,不過輸咗個人會清醒,(損失幾多?)六位數啦,夠畀首期,好傷,經一事長一智啦。」
       子羚直言不夠膽買股票,因沒有時間玩股票,怕會損手爛腳,血汗錢會化為烏有 ,所以聽媽咪教導買「磚頭」最實際,早前終於買樓做業主,但仍要供樓,她承認有壓力,但認為女仔要有錢傍身。
      洪永城咀陳瀅是苦事?
      陳瀅表示去年拍劇的時候苦了洪永城,因為當時她患了大病,發燒、肚痾、嘔吐,試過拍完外景咳到當場嘔吐,最慘的是她與洪永城的親吻戲都放在最後拍攝,結果要帶病咀他,兩人埋位前都服食感冒藥,洪永城苦笑說:「咀佢嘅時候連鼻涕都啜埋,又啜到對方個口有陣苦味,拍嘅時候冇乜氣力,Chur到最後一啖氣,好彩拍出嚟嘅效果都好好,不過都有少少被傳染。」陳瀅笑言:「一定要捱落去,最多下個Shot先暈。」兩人在劇中多親熱戲,又有很多動作戲,例如畀車追、跳樓及逃走戲份等等。
       洪永城被取笑最近拍劇都艷福無邊,他說:「劇情需要啫, (難為你? )係難為partner!(女友睇完火遮眼?)咁又唔會,拍戲啫,如果咁都火遮眼就真係要檢討一下大家嘅關係。(如果女友拍呢?)黐線㗎!梗係唔得啦!」洪永城與陳瀅又稱拍完劇之後已沒有跟對方聯絡了。


上题 : 被批鼠年紅鸞星動有喜事 湯洛雯自爆圈中人積極做紅娘

下题 : 武漢開唱 帶父母回鄉探親 任賢齊獲讚90分孝順仔