娛樂新聞


趁年輕堅持高空跳傘 朱晨麗何廣沛遊杜拜 感情升溫


[2020-02-13] - 2243人點閱
       朱晨麗(朱朱)與緋聞男友何廣沛早前到杜拜合拍旅遊節目《3日2夜》,朱朱為對方獻出多個第一次,又得到他悉心指導,拍攝過程非常愉快,朱晨麗與何廣沛感情更上層樓。在拍攝過程中,朱朱又堅持要高空跳傘,怕將來年紀大無膽跳。朱朱和何廣沛在近日熱播中的劇集《大醬園》扮演一對冤家,最後結成夫婦,之前就一齊去杜拜拍旅遊節目《3日2夜》,二人朝夕相對幾天,看來感情都昇華了不少。
       朱朱為此更獻出多個第一次,她說:「第一次同何廣沛拍旅遊節目,第一次出埠拍呢類節目,第一次去杜拜,第一次去沙漠,第一次玩刺激高空跳傘,本來劇組取消咗呢個項目,但我極力要求,難得有呢個機會,點都要玩一次,年紀大未必再有呢個膽,趁????家仲夠膽就玩下留做紀念。」
       珍惜每一次拍攝機會
       朱朱表示以往對杜拜印象只得天氣熱及金碧輝煌,沒想到親身感受過後是兩回事:「去到成個人都好舒服,建築物好靚,去旅行可以選擇杜拜,仲有室內滑雪場,麻雀雖小但設備齊全,乜都有得玩。」
為了今趟旅程,朱朱特別訂做了幾套靚衫,連髮型也視乎不同環境及內容而轉變,過程中也趁機拍下不少靚相,因她不知會不會是最後一次拍,所以會把握機會,做人亦如是,總是抱着最後一次心態就會做到最好,她好珍惜每一次拍攝機會,各方面都會做足準備。
       談到與緋聞男友同行,朱朱表示與對方已合作很久,並非常有默契,由於何廣沛拍攝綜藝節目經驗較多,所以拍攝期間也會給她指導:「佢會話畀我知點樣做會再好啲,撞出火花同話題,令到成件事會再搞笑啲,觀眾亦會投入啲,用學習心態去拍,所以拍得好愉快。」
       另外,何廣沛昨日在將軍澳電視城為新劇《食腦喪B》開工,新冠肺炎疫情持續擴散,何廣沛表示公司亦着重大家的健康,近日亦有安排增加演員休息時間,他說:「暫時開工安排都幾好,平時拍劇休息唔夠,但????家係每日都有六至八個鐘瞓覺,以前啲通告係緊接,????家外景減少咗,通常朝早五六點瞓,中午十二點左右返工,以前收工返屋企沖個涼就再開工,????家有足夠體力應付拍攝,唔會因為唔夠休息個腦塞晒,安排非常之好。」
       今天是情人節,何廣沛表示要開工,與張彥博、郭子豪拍酒吧戲。問到可有跟緋聞女友朱晨麗提早慶祝情人節?他說:「都好耐冇見,佢屋企有啲事,有短訊問候佢,佢都有覆我,情緒都OK,畀啲空間吽A唔煩佢。」至於可有買定情人節禮物給對方?他笑說:「冇啦,????家都冇乜出街。(送口罩做情人節禮物?)嘩,好珍貴喎,自己存貨都唔多,要就住使,好彩我哋套劇有『買手』江嘉敏幫我哋上網買口罩、搓手液。」


上题 : 藝人過「疫境」情人節 平安健康是最好禮物!

下题 : 響應防控措施北上廣9場個唱延期 華仔向前線奮戰人員致最崇高敬意