娛樂新聞

■ 姚子羚稱一向都可以跟前度做回朋友

與舊愛再見亦是朋友 姚子羚暗示復合有機?


[2020-03-19] - 2658人點閱
薛家燕、鄭俊弘與譚嘉儀主持的《流行經典50年》,前晚以「女神」為主題,請來姚子羚、李佳芯、趙慧珊、吳嘉熙及可嵐等擔任嘉賓。

近日被拍到與前男友Raymond食飯而傳復合的姚子羚稱是朋友聚會,但承認對方還是朋友,至於會否復合,她表示將來的事將來先算,似乎一切皆可能。

姚子羚當晚選唱張惠妹的《解脫》,她表示本身喜歡唱國語歌,覺得比較有感覺,而她一直都很喜歡張惠妹的歌,對方很多歌都是高難度,而這首算是中難度。她又否認是憑歌寄意。

問到子羚平時唱歌可是「咪霸」?她笑言自己甚少爭咪唱歌,一班姊妹當中胡杏兒才是「咪霸」,杏兒會揀雲妮侯斯頓(Whitney Houston)難度較高的歌去唱。

子羚去年被指捲入四角戀,近日被拍到與前男友Raymond 食飯,因而傳出兩人復合,子羚說:「只係朋友聚會,我有出席,佢又在場,大家一直都係朋友。(復合?)將來嘅事將來先算,(冇因為件事嬲佢?)冇,大家係成年人,同埋我一向都可以同以前嘅男朋友做返朋友。」追問她何時展開新戀情?她表示目前只希望返工,原定要去馬來西亞、加拿大登台,都因疫情影響而相繼取消或延期。

組合Super Girls 成員吳嘉熙以黑色透視裝現身,十分性感,而拍檔趙慧珊則大騷美腿。吳嘉熙笑說:「件衫係公司揀畀我,我發覺公司擺我上枱,啲性感打扮都係搵我。」趙慧珊就指因吳嘉熙是五位成員當中身材最好的。與夏雨兒子黃奕晨分手後,吳嘉熙承認有圈外追求者,但她暫時不想拍拖,只想先專注工作。笑指她不拍拖豈不是浪費了吸引異性的好身段?她笑說:「唔會,我為工作奉獻我嘅Body, 想再操弗啲影一輯全裸嘅相,底線當然係三點不露,唔係想騷性感,只係想騷身形線條,畀自己留念。」

李佳芯睇新聞方知被飛出劇

曾經因為獻唱《小幸運》被形容為「魔音」的李佳芯(Ali),前晚選唱《幸運是我》,她形容唱現場的壓力有如拍十套劇般大。問到Ali為何不選唱《小幸運》?她笑說:「此幸運不同彼幸運!(魔音幾時回歸?)我覺得自己唱得好好喎,不過自己講完都覺得有啲心虛,相信呢首歌終有一日會返來。」她表示首次在有live band的環境下唱歌感到很大壓力, 有如拍十套劇一樣。

Ali透露為了這次演出,事前不停練習,更唱到喊:「我跟老師上咗十幾堂都係練同一首歌,返到屋企都繼續練習,相信大家會睇到我有進步,第一次上堂練歌嘅時候仲唱到喊咗,因為畀歌曲個感覺感動到,不過今次唱現場應該唔會喊,我唔係咁易在人面前喊,反而緊張自己表現。」

另外,有傳將開拍的劇集《白色強人2》Ali不在演員名單之列,似是被飛出局,問到Ali可有收到消息?她說:「我都係睇到新聞先知道呢個消息,不過我冇去求證,始終一日未開拍仲有好多變數,睇吓公司決定點先啦,而家我唔諗其他嘢,只希望做好眼前嘅事。(如果冇份演出會唔會失望? )其實上一集我嘅角色Kennis係中咗槍,編劇都話我個角色死咗比較好,如果第2輯冇出現就證明已死,我會接受。」

Ali又透露正準備暑假前推出一本散文集,希望疫情不會影響新書的推出日期。


上题 : 鄭融做足寵物防疫功夫 周柏豪盡量留家避炎

下题 : 湯告魯斯英國復工真身上陣 英皇「女法醫」演員酒店避炎兩周