娛樂新聞

王浩信形容完成艱難任務 應付法庭戲兼要脫水修身


[2020-03-23] - 1642人點閱
王浩信、蔡思貝近日忙着為新劇《踩過界II》開工,兩人在過去的10多日要應付法庭戲的陳詞對白,實在心力交瘁,王浩信更為準備一場出浴戲,要脫水修身,更是苦上加苦,日前終於大功告成,可以鬆一口氣!

王浩信在社交平台貼上穿上浴袍,及一張赤裸上身的背面照,他形容:「連續19日嘅法庭戲加最後一日要拍除衫嘅沖涼戲!我終於完成了!對我來講好似完成咗一個好艱鉅嘅任務!」

蔡思貝賀壽星爸爸祝平安

他繼而透露整個過程的艱苦:「每日12個鐘頭工作,兩三個鐘頭溫書,其他時間做人基本要做嘅嘢,之後每一日急速流暢嘅陳詞,以盲俠嘅姿態為唔同嘅案件提出控辯,每一日完成之後都可以話係心力交瘁,所以每日都同自己講,休息好第日再嚟!從緊張到輕鬆到最後第15日,要開始脫水狀態循環,準備最後一日沖涼戲,第一日8L水,第二日4L,第三日2L......到最後一日有需要先可以飲一啖!在雙重環境底下最後兩日精神上真係有一種抽離嘅感覺......最後將僅餘嘅能量由血液泵到肌肉完成了廠景最後的一場!終於完成......懇請大家恕我長氣,但係我深深體會越艱辛嘅過程學到嘅嘢越多,好似每一場官司,幫每一個受害者,令我體會到公義......大腦吸收知識,一定要在放鬆的情況底下,一緊張就唔入腦等。事情好壞都在乎你的角度,但經過時間,一定會過!到最後都要講返句記住支持,疫情下共勉之!」

同劇另一演員蔡思貝在社交網放上和父母合照,相中蔡父拿起壽包和太太碰杯,而思貝就吻賀壽星爸爸,並留言:「真好, 十多天法庭戲過後, 筋疲力盡, 剛好我休息一天,能夠跟我爸爸慶祝生日, 要平安健康。」


上题 : 朱晨麗強調無芥蒂 望別渲染事件

下题 : 鄭融做足寵物防疫功夫 周柏豪盡量留家避炎