娛樂新聞

■ 黎耀祥和陳豪被指共通點是「大頭」。

黎耀祥難忘袁詠儀豪請午飯 陳豪自爆最窮欠10萬卡數


[2020-07-27] - 679人點閱
由邵氏兄弟出品之訪談節目《Tiger's Talk》反應熱烈,決定添食,繼續由林盛斌(Bob)和伍詠薇主持,頭炮邀請到近日熱播劇集《殺手》的兩位男主角黎耀祥(祥仔)和陳豪登場。

陳豪和祥仔大爆成名之路的辛酸史,陳豪自言一度卡冚卡,欠數高達近10萬元。

黎耀祥跟陳豪都是視帝級人馬,演技絕對毋庸置疑,Bob就大爆兩人的共通點是因為「頭大」:「佢哋勤力、靚仔、聰明……原來黎耀祥同陳豪個頭喺TVB入面嘅比例係算大,所以發展得好。」

伍詠薇指出雖然兩位貴為視帝,但過去走的路都完全不一樣。

陳豪說:「都算係,我冇祥仔捱得咁緊要,不過都要花時間,當時都要做咗配角,慢慢先有大機會,試過拍電影一句對白都冇。」問到最窮的日子時,陳豪說:「我做模特兒時代幾搵錢,不過當我有心做演員時,電影圈又唔太吃香,開始冇嘢撈,試過半年、9個月,開始一年都冇工開,完全冇收入,唯有卡數冚卡數,差不多有成10萬卡數,但我唔會問屋企人拎錢。」

陳豪自爆拍攝電影《晚九朝五》的年代,還年輕的他幾乎每晚都去夜店夜蒲,一星期蒲足五晚,後來突然一下子醒覺,他說:「當時感覺就好似一盞射燈照住你,突然醒覺咁樣好浪費時間,係時候為人生做返啲嘢,於是就180度轉變,自此之後冇再踏足夜場,好努力為人生拚搏。」

伍詠薇追問為何夜蒲的日子遇不到陳豪,否則一定不會放過對方,陳豪說:「可能唔同場,我同成班模特兒朋友落去,(大把女埋身?)想係咁想,但永遠都空手而回,講就無敵,做就無力。」他稱:「每個人都要花段時間去認識自己,後來自己先知根本唔鍾意呢啲生活,只係想陪朋友。」

看好曹永廉登視帝

而祥仔笑言自己不愛夜蒲,人生只去過一次Disco,去完就以後都不再去。

他表示幸好自己演藝工作由TVB開始,起初有穩定的月薪收入,加上120個騷錢,收入穩定,他說:「我份人量力而為,量入為出,搵10蚊使8蚊,所以未試過冇飯開嘅日子。」

問到貴為視帝,經常要「萬歲」請客,會否覺得肉赤?祥仔說:「如果收工煞科,頂多幾萬蚊,都可以嘅,冇乜所謂,大家開心。」伍詠薇稱自己拍檔過的演員中,以羅家良最闊綽,經常開工萬歲,而祥仔說:「有位女演員唔係成日拍,久唔久先返嚟拍劇,有一日外景放午飯,平時正路求其一間酒樓就算,點知佢就搵附近一間名牌酒樓,補幾千蚊出嚟食,完全冇『乍型』,(咁大方梗係開佢名啦!)咪就係袁詠儀囉!」

兩位視帝有沒有心水的視帝接班人呢?黎耀祥笑言:「曹永廉有機會!其實公司有好多後起之秀,我覺得個個都有機會,????家機會好啲,公司重點栽培好幾個,其實好壞係視乎大家鍾唔鍾意個角色,演技水平就大家都差不多。(邊個永遠冇機會?)都係曹永廉啦!」真的搞笑。


上题 : 單身貴族曾同時有13個追求者 凍齡美魔女楊玉梅熱心助人

下题 : 香港國際電影節因疫情取消 活動大使郭富城籲共同居家抗疫