娛樂新聞

■ 古仔演繹運用健身環深蹲keep fit,麥美恩忍不住大叫「正呀。」

做直播驚見宣萱 古仔:嚇死人咩


[2020-09-03] - 671人點閱
古天樂(古仔)昨日為代言的保險公司作網上直播,與麥美恩齊齊教大家抗疫期間在家中keep fit,兼送口罩給網民。

其間古仔見到宣萱的片段,即大叫:「嚇死人咩!」,認真搞笑。

穿上運動服的古仔先與美恩自拍,再用Apps測試自己的BMI,之後古仔即場演繹運用健身環keep fit,玩得投入的古仔又提腿又深蹲,美恩見到即忍不住大讚:「好實呀,好結實呀,呢個姿勢好靚、好標準呀,我鍾意呀,嘩,正呀,點解你冇難度嘅?平時我(做)呢個動作已經標晒汗。」

之後輪到美恩示範時,她叫古仔在旁邊吶喊給她鼓勵,更叫古仔做Baby,古仔只好敷衍說:「好嘢,好呀。」二人身後的大屏幕播出宣萱的片段,古仔即大叫:「嚇死人咩!日光日白見到佢真係好驚。」

之後換過背景,二人拿起羽毛球拍,鬥快將羽毛球打入垃圾桶,古仔更教美恩:打羽毛球好簡單,是講求眼界和力度。見到古仔入球美恩即誇張大嗌:「點解你咁準嘅?」卻被古仔嫌她阻住,更叫她行開,十分搞笑。

古仔又透露平日愛健康飲食,最愛飲果汁,尤其是雪梨、蘋果及奇異果汁,因含有維他命C對皮膚好,之後便坐上特製健身單車,邊踩邊榨果汁,之後更品嚐自己的製成品,飲完並誇口大讚:「好味到呢!」


上题 : 張國榮64歲冥壽前 絕密寫真照曝光

下题 : 章子怡為楊穎演技平反