娛樂新聞

■ Sammi(右)及阿Sa(中)未有觀看舞台劇作參考。

最佩服Sammi喊戲 阿Sa指對方眼淚可長流


[2020-09-17] - 596人點閱
鄭秀文(Sammi)及蔡卓妍(阿Sa)日前作客TVB娛樂新聞台節目《StarTalk》,接受主播許文軒專訪,二人大談拍攝電影《聖荷西謀殺案》感受。

電影由舞台劇劇本改編而成,她們異口同聲表示未有觀看舞台劇作參考, Sammi認為選擇不看也是對的:「接咗劇本後越唔睇越啱數,因為舞台劇係由劉雅麗去演,睇埋我驚會更加緊張,佢演得咁好,而且怕模仿咗對方嘅演出同框住自己,所以要用自己方式去演,越抽離越好。」

戲中Sammi的演出獲得外界極高評價,但Sammi對獎項並沒期望:「今次係演出上嘅春天,而唔係攞獎上嘅春天,今日我對獎項放得好低,你知我咁多年嘅經歷,我更加將獎項呢樣嘢放得好低,有一天得獎梗係開心,但我又冇期望過。」

阿Sa表示能與好戲之人合作拍戲,可令自己提升:「拍戲嘅時候,我唔敢嘈住其他演員,好似佟大為同Sammi有好多場口都要用力同好沉重。

見到Sammi拍喊戲,就更加令我佩服,我係一個喊得快去得快嘅人,我一路喊,喊喊下就會喊唔出,但Sammi好勁,有咁多眼淚!有埸戲由睇劇本開始已經喊,到佢拍完都停唔到。」

近年密密拍戲的阿Sa,笑言全因突然想通了:「發現做嘢係要着住個摩打先得,摩打唔可以停太耐,因為再起步會窒住窒住,但之前有一兩年我有揀戲拍,因為唔想畀人睇死,但嗰啲劇本唔係成日出現,後尾發現有得做就好做,唔好諗咁多,現在啲戲都買少見少,有人搵你就做下啦!」


上题 : 站着合照 坐着收工 王君馨煞科前扭傷腳

下题 : 第30屆中國電視金鷹獎公布提名 趙麗穎 易烊千璽角逐雙獎