娛樂新聞

順產逾8磅B仔 胡杏兒宣布「封肚」


[2021-04-06] - 163人點閱
胡杏兒昨日在社交平台公布喜訊,表示細仔李奕宏(Liam)已於復活節前出世,重八磅幾,樣子似大哥和二哥的混合體,同時並表示要「封肚」,三個夠晒數。

杏兒日前在老公李乘德(Philip)陪同下入產房,順產誕下重八磅多的三仔Liam ,現時正在家中坐月的杏兒回覆傳媒查詢說:「 因為已經係第三個都好忙,所以返到屋企先公布,今胎冇諗過BB咁重,重八磅幾,係順產,生佢有少少辛苦, 因為好大隻。」

杏兒透露老公有陪入產房,而細仔的中、英文名亦是由他改,至於細仔的樣子完全是大哥和二哥的混合體。

昨日杏兒在13:14於網絡平台公布喜訊,大家都估計這可能是Liam 的出生時間?杏兒否認說:「唔係BB出世時間,1314一生一世係我同老公想要表達愛護三個小孩一生一世嘅寓意。」

對於今胎未能追女成功,杏兒說:「都要收山喇, 其實都要時間照顧、陪伴同教導,其實生男或女都唔緊要,最緊要佢哋健康、快樂。」

她又透露大仔Bremen和 二仔Ryan見到弟弟Liam都好開心及覺得新奇,爭住錫弟弟。問到細仔可易湊?杏兒說:「 都算乖同好易湊。」


上题 : 每天查看新片票房 衛詩雅壓力大激瘦

下题 : 葉童不介意出鏡10秒 李麗珍不抗拒女兒入行